كلام من جوه ومن الاخر

سنتي الجديد 2008

2008-01-01T02:31:00.000-08:00

حبيبتي 2008

أولا دعيني أقول لك حبيبتي لأني استبشر بك خيرا وأدعو الله أن تكوني مليئة بالسعادة إلى كل من أحب والى أنا

ولكن دعيني قبل أن أتكلم عنك أتكلم على سابقتك العام الماضي

الراحلة 2007

لا أخفيك سرا لم تكوني كما توقعتك وكما تمنيتك إلا في أحيان قليلة ولكني لا ألوم عليك لقد رحلت

ولكن اسمحي لي ان اخذ منك كل ما هو سعيد واترك معك كل ما هو أرهقني ولم يسعدني واني اراى أن ما سآخذه منك يكفيني أن أبدا به عامي الجديد وأتمنى أن يساعدني الله ويقدرني أن أحافظ عليه

2007 اذهبي بكل ما هو حزين واتركي معي كل ما هو سعيد

سنتي الجديدة 2008 أرحب بك واستقبلك وافتح لكي زراعي وأرجو منكي أن تكوني كما أتمناك وخاصا أني أبدا معك حياه جديد وأرجو أن تكون سعيدة وناجحة وارجو ان افتح صفحة جديدة معك في كتاب حياتي

احب ان ابدا فيها اولا ببسم الله الرحمن الرحيم وان ادعو الله ان تكون عام خير وسعادة وان اكون فيه اقرب الى الله والناس اكثر

وان يقدرني الله ان اسعد من لم استطع اسعاده وان اساعد من لم اتمكن من مساعدته وان اكون الحجر الذي يبني ولا اكون الحجر الذي يكسر زجاجاً

إلى كل من اعرف في حياتي

إلى كل من تسببت له في الم أو ضيق

إلى كل أصدقائي الذين أحبهم حقا

إلى عائلتي الجديدة

إلى أبي وأمي وأخي

اعتذر عن كل ما هو سيئ منى لكم وأشكركم على كل جميل فعلته من اجلي

كل سنة وانتم وكل الناس بكل خير

مراية الحب عميه

2007-12-16T05:43:00.000-08:00

" مراية الحب عميه "

دا مثل يقال دائما عندما تكتشف أن الشخص الذي أحببته واختارته من دون الناس فيه ما ليس في احد من البشر من عيوب وأشياء لا تطاق

وساعتها دائما نحمل الحب الذي هو أجمل إحساس في الكون بأنه هو السبب في عدم اكتشافنا هذه العيوب

يمكن أن يكون الحب سبب في عدم النظر للعيوب على حجمها الصحيح ولكنه لا يمنعنا من رؤيتها

عندما ركزت في المثل أدركت انه لابد وان تكون مراية الحب عميه في بعض الأوقات لأنه لو دققنا في كل شيء صغير وكبير لن يكون هناك حب من الأساس حتى تكون مرايته عميه

إذا وضعنا عيوب من نحب أمامنا دائما وركزنا عليها سيأتي الوقت الذي نجد أنفسنا لا نطيق هذا الشخص وإنما إذا وزنا هذه العيوب وحملنها قدرها سنجد أنفسنا لدينا القدرة في التعايش معها

ومن هنا لابد وان يكون الحب صحيح ومن القلب حتى تكون مرآته مرآة نقية لا تكبر ولا تصغر من الأشياء الحلو منها او السيئ

يعني بالعربي لا تكون عميه أوي ولا تكون مفتحة أوي

وكل سنة وكل الناس طيبين وسعداء وحياتهم مليئة بالحب لله وفي الله ومليئة بالسعادة ويكتر من مرايتكم

سلام عليكم

اختلف معك ....... ولكني احبك

2007-12-09T06:20:00.000-08:00

حدث كثيرا في الفترة الماضية اختلافات بيني وبين مجموعة من الناس على مختلف المستويات منهم القريب مني ومنهم البعيد عني

فكرت كثيرا في هذا الاختلاف في الرأي أو المعتقد أو التفكير بيني وبين هؤلاء الناس ووجدتني ابتسم حيث إنني شعرت إن من هؤلاء الناس من هم يحتلون في قلبي مكانة ومكان كبير جدا وبالرغم من ذلك اختلف معهم

وجدت إنني كثيرا ما اختلف مع من يملكون كل قلبي أمي وأبي وأخي

وجدتني اختلف مع اعز أصدقائي ومع أناس آخرين أبحهم ويحببنني

وتوصلت إلى انه رغم اختلافنا كل منا لازال يحب الأخر ومازال يحتل في قلبه نفس المكانة ولا تتغير مهما زاد الخلاف أو قل

توصلت إلى انه في بعض الأوقات وأثناء الخلاف يحدث ما يجعلك تشعر بمكانة هذا الشخص في قلبك مما يقلل حدة الخلاف

ومؤخر وجدتني اكتشف أن شخصا ما كنت دائما على خلاف معها ولكني حدث ما جعلني اشعر بمدى قربها من قلبي

اكتشف أن الأحاسيس الجميلة والمشاعر بين الناس ليست كافية لمنع الخلاف حيث اني اختلف مع أمي وأنا على أتم الاستعداد أن أعطيها روحي لتكون سعيدة ولكني اختلف معها

ولكن دورها هو أن تجعل نهاية الخلاف نهاية فيها ود ورحمة وليست نهاية مليئة بالكراهية والعدوانية والتحدي

بعض الأوقات اختلف وأكون على حق ولكن تمنعني محبتي للشخص الأخر أن ابتسم أمامه ابتسامة فخر واعتزاز إنني المحقة

وبعض الأوقات اختلف وأكون على خطا وأيضا تمنعني محبتي للشخص الأخر من أنني ارفض نصيحته أو إنني أتمسك برأي

لتخلف مع شخص ليس هو المشكلة ولكن المشكلة أن لا ينتهي الخلاف بالحب والمودة بين الطرفين

وهنا يجب أن تطبق المقولة " الاختلاف في الرأي لا يفسد للود قضية "

في النهاية :

لكل شخص اختلفت معه وانتهى خلافنا

لكل شخص مازلت اختلف معه ولم ينتهي خلافنا بعد

إلى كل شخص لم اختلف معه ولكن من المؤكد انه سيحدث

أحب أن أقول إنني اختلف معك ............... ولكني احبك

ملحوظة

عنوان البوست والصورة لكتاب قراءته مؤخر ولكن محتوى الكتاب يختلف تماما عن محتوى البوست

عندما تتسرب سعادتك من سعادة الآخرين بك

2007-10-29T00:52:00.000-07:00

الشعور بالسعادة تأتي بإشكال مختلفة وبظروف مختلفة

منها أن يحدث لك شيء كنت تنتظره أو أحدا يأتي لك بهدية كنت ترغب فيها

أو ترى إنسان عزيز عليك سعيد

أو تفعل شيء يسعد من حولك ........ الخ

ولكن عندما تتسرب إليك السعادة لمجرد انك رأيت شخصا سعيد لفرحك أنت أو لشيء حدث إليك فذلك قمة السعادة والتي قليلا ما تحدث

أن تشعر إن السعادة تغمرك وانك طاير في السماء منها لمجرد أن شخص سعيد لك أنت وسرب هذه السعادة إليك ذلك إحساس رائع حقا

هذا ما حدث لي بالفعل

شخصية لا تربطني بها سوى علاقة عادية ولكني أحبها من أول تعامل بيننا ولم أكن اعلم مدي حبها لي

ولم أكن أتصور إنها لهذه الدرجة

أدخلت إلى قلبي السعادة بسعادتها هي

وجعلتني اشعر بها كما لم اشعر بها من قبل سوى في مرات محدودة

وأنا هنا لأشكرها عما فعلته لي

اشكرها لأنها كانت سبب في سعادتي وسعادة شخص غالي على قلبي

اشكرها لأنها أحسستني بمجموعة من الأحاسيس المختلفة في وقت واحد

إحساسا بالسعادة والكسوف والفرح وأحسستني بما لدي من نعمة أنعمها الله على وبقيمة الهدية التي أهداني إياها

شكرا …..( لن اذكر اسمها يمكن أن لا ترغب في ذلك) على ما فعلتيه بي

عندما احتضنتني كنت اشعر انك أمي وأختي وصديقتي التي تفرح من اجلي

لكي مني كل الشكر والتقدير والاحترام

يا رب دم علينا هذه النعمة نعمة السعادة

واجعلنا سبب في سعادة الآخرين

العزف على أوتار قلبي

2007-10-28T02:05:00.000-07:00

الموسيقى دائما ما تشعرني بالراحة ومن أحب الأشياء إلى قلبي

عندما أكون مبسوطة اسمعها

عندما أكون حزينة هي التي تخفف عنب بعض الشيء

مع أنغام الموسيقى اشعر بنفسي أتمايل معها دون قصد

وأعيشها واسرح بخيالي معها إلى ابعد الحدود

اطلع معها إلى القمر

وانزل بها إلى أعماق البحار

هذا كله وأنا اسمعها

ولكن عندما اشعر بهذه الأنغام والألحان تعزف على أوتار قلبي أنا iهذا شيء مختلف

يا له من إحساس رائع حقا

أن تشعر بان قلبك يرقص طربا وان بداخلك أنغام وموسيقى تدخل السرور إليك وتهز كيانك

بان تشعر إن هناك من يعزف على أوتار قلبك بمنتهى المهارة والرقة

بان هناك من يعرف لحنك المفضل ويعزفه لك وحدك

بأنك تشعر انك تسمع دقات قلبك وهي تدق مع هذه الأنغام

أن يدق قلبك بسرعة ليس خوفا أو قلقا وإنما طربا على هذه الأنغام

حقا هذا أجمل ما يمكن للبشر أن يشعر به

حقا هذه نوعا من السعادة التي قلما تحدث أن يرقص قلبك طربا على أنغام أنت تعشقها

شكرا لمن عرف أن يعزف على أوتار قلبي

شكرا لمن اسمعني لحنا كنت في حاجة إلى سماعه

حقا لك مني كل التقدير على مهارتك .

عقباك يوم ميلادك

2007-10-23T01:23:00.000-07:00

كان يوم ميلادي في معظم الأوقات يمضي مثل أي يوم أخر وكنت يوم ميلادي يأتيني تساؤل ماذا فعلت في السنة الماضية وهل كنت راضية عنها أم لا

ولكن هذه السنة كان عيد ميلادي ليه طعم مختلف تماما وسأظل اذكره مهما مضى من سنين لان دائما الأول هو الأول وهذه السنة كانت بالنسبة لي هي يوم ميلادي حقا وكان لدي شعور لا اقدر على وصفه كان بداخلي مجموعة من الأحاسيس والمشاعر لم استطع أن أفسرها ولكني كنت في غاية السعادة بها

منذ صباح هذا اليوم وأنا اشعر إني مختلفة قمت بعمل أشياء لم أكن افعلها من قبل ولا اعلم لماذا فعلتها ولكني كنت اشعر بالراحة وأنا افعلها وتمنيت من الله بعض الأشياء وأرجو من الله أن يعينني على تحقيقها .

فكرت كثيرا في سبب الشعور بهذا الاختلاف وتجمع هذه الأحاسيس داخلي وكان هناك عدة أسباب

أولا كانت هناك ابتسامة على وجه كل من حولي مليئة بالحب وكنت أري في أعينهم الفرحة وكأنه عيد ميلادهم هم وليس أنا

كانت أول كل سنة وأنت طيبة اسمعها في هذا اليوم من اغلي الناس على قلبي أمي الحبيبة

بدا اليوم بقبلة وحضن من أخي الذي هو توأم روحي وليس أخي فقط بل أخي وحبيبي وصديقي

أول من رأيت في العمل كان حبيب قلبي زيزو ابن زميلة لي

أول من قال لي كل سنة وأنت طيبة من العمل أخي احمد ماهر

أول من رأيت على وجه أجمل ابتسامة وأحلى كل سنة وأنت طيبة هو خطيبي العزيز احمد رفعت

مر اليوم وانهالت على المكالمات التليفونية والSMS من أشخاص لم أتوقع أن يتذكروا عيد ميلادي

وفي نهاية اليوم كان ختامها مسك اعز الأصدقاء واعز الناس على قلبي يحتفلون بي في مكان شعرت فيه بالراحة

وبدأت مراسم الاحتفال تورتة هدايا رائعة واهم من كل ذلك وجوه مبتسمة ومليئة بالحب من حولك

لم يكن لدي أي كلام يمكن أن اعبر به عن ما بداخلي ويمكن أن أقول شكرا لأنها لم توفي أي شيء من السعادة التي كنت اشعر بها

ولكني ليس لدي ما يقال غير إني حقا شعرت إني أتولد من جديد وانه كان حقا يوم مولدي

شكرا لكل من تذكر هذا اليوم

شكرا لمن ساهم في إسعادي ولو بكلمة

شكرا على الأحاسيس الرائعة التي شعرت بها من الآخرين

وهناك شكر خاص جدا إلى اعز الأصدقاء واقرب الأصدقاء إلى قلبي

شيرين أختي الكبيرة وصديقتي الغالية جدا

منى التي اشعر أنها اختى التوأم

رضوة والتي لم نكن من قبل مقربين ولكني حقا أحببتك منذ أول حديث بيننا

سلمى حبيبة قلبي التي حقا أحبها في الله

هواري والذي هو الصديق النقي وهديته الرائعة

مصعب أخي الصغير الذي له لمساته الجميلة

وأخيرا

خطيبي العزيز احمد والذي كان له الدور الكبير في شعوري بالاختلاف في حياتي كلها وهذا اليوم بالأخص

أصدقائي وأحبائي لا يوجد ما يقال

ولكني أتمنى من الله أن تدوم صداقتنا وان نظل إلى يوم عيد ميلادي الخمسين سويا

أشكركم كثيرا وأحبكم أكثر

احمد لن أشكرك أنت بل سأشكر الله على أجمل هدية هداني بها وهي أنت وأدعو الله أن أوفيك حقك قدر ما استطيع .

قلبي هو مفتاحي وعقلي هو كلمة المرور

2007-10-21T01:47:00.000-07:00

منذ فترة ليست بقليلة كنت دائما التفكير في الآخرين والبحث فيهم عن ما يسعدهم وما يحزنهم

ووجدت أن هناك أشخاص تكسبهم بمجرد كلمة وآخرون تمنحهم السعادة بمجرد عمل شيء بسيط جدا لا يذكر

وأشخاص آخرون يكونوا في قمة السعادة لمجرد انك تتعامل معهم برفق ومودة

من الناس ما هو عقلاني الحياة عبارة عن1+1=2 الحياة ما هي إلا معادلة كبيرة لابد من مدخلات وبالتالي مخرجات

والبعض الأخر من تتحكم في حياتهم المشاعر ولا شيء غير المشاعر

وفي هذه الحالات من السهل أن تتعامل مع الناس كل منهم على طبيعته وهذه في اغلب الأحيان يكون سهل .

ولكني عندما نظرت إلى الناس وهم يتعاملون معي وجدت من يقدر على تفهمي رغم أنهم أشخاص لم يعرفوني لمدة
طويلة وآخرون تربطنا معرفة لسنوات ولكنهم لم يتمكنوا من التعرف على طبيعتي . ومن هنا شعرت برغبة شديدة

في معرفة طبيعتي أنا حتى أتمكن من توصيلها للآخرين لعل وعسى أن يكون العيب في أنا

وجدتني أحيانا تتحكم في المشاعر وأحيانا يتحكم في العقل ومن هنا يصعب التعامل مع بالعقل فقط أو المشاعر فقط

التعامل بالعقل يجعلني شخصية جافة والتعامل بالقلب يرهقني كثيرا

وجدتني مزيج من العقل مع المشاعر بمعني أني أعقل مشاعري وامشعر عقلي J

ووجدت مفتاحي هو قلبي ولكنك لابد أن تمر على البوابة الرئيسية وهو عقلي الذي يعطيك كلمة المرور إلى قلبي

وجدتني أفكر بعقلي ولكني أنفذ بقلبي

اشعر بعقلي وأقيم بقلبي

وجدت أن قلبي هو المتحكم ولكن بإرشاد عقلي

وجدت أكثر الناس قربا لي من هم يوصلون إلى من خلال تفهم عقلي ولكن يلمسون قلبي بتصرفاتهم

وجدت أن قراراتي يأخذها عقلي ويفرح لها قلبي

من يصل إلى عقلي ويلمس قلبي وصل إلي من أوسع الأبواب

إن قلبي يملكني ويتحكم بي ولكن عقلي يحرسه ويحافظ عليه

وعجبييييييييييييييييييييييييييييي .....

عندما تمطر السماء

2007-10-17T04:39:00.000-07:00

معظم البشر تحب المطر وتسعد بسماع صوت قطرات المياه وهي تتساقط

وتشعر بالسعادة وهي ترى المياه تغمر الشوارع وتغسلها

أما أنا فالمطر له عندي مكانة خاصة جدا

وكما قال الله عز وجل "وجعلنا من الماء كل شئ حي " صدق الله العظيم

أنا اشعر إني أحيا أكثر مع نزول المطر وإنني في قمة الصفاء والنقاء عندما اشعر بقطرات المياه تنزل على وجهي وتغسلني من الداخل .

وللمطر عندي فوائد عديدة :

منها إنني اعلم جيدا أن الدعاء مستحب وان شاء الله في لحظات سقوط المطر وبالتالي يمنحني الفرصة كي أدعو ربي بكل ما أريده لي ولمن أحب وللمسلمين أجمعين ويقينني أن دعائي مستجاب يشعرني بالراحة وبالقرب من ربي وكما قال الله " أذا سالك عبادي عني فاني قريب أجيب دعوة الداعي إذا دعاني " صدق الله العظيم .

ثانيا المطر يجعلني أشم رائحة الجو النقية والتي تنعشني كثيرا ويجعلني أرى الأشجار في قمة نضارتها وجمالها بعد أن يغسلها المطر بمائه الغزير

ثالثا اعشق أن أسير تحت المطر لشعوري انه يغسلني ويمحو كل ما بي من هموم وضيق وبما إني اعشق الصفاء فبعد المطر أرى الجو في نقاء حيث يذهب المطر الغيوم ويأتي بالسماء نقية بيضاء يجعلني استطيع أن أري وجهي فيها .

من عادتي عندما اشعر بالضيق ابكي ولكني لا أحب ان يراني احد أو أن تنزل دموعي أمام الناس وبالتالي أثناء نزول المطر يمكني أن ابكي ولا يستطيع أن يعرف احد دموعي من قطرات المطر .

اسعد لحظاتي أن تمطر السماء وأنا أمام البحر وحيث إن البحر والمطر اقرب الأشياء إلى قلبي فاني أتنمي من الله أن تمطر على السماء وأنا في أحضان البحر حيث تزيد الأمطار من مياه البحر وبالتالي تزيد امواجة التي تحملي إلى ما لانهاية .

وأخيرا

أمس كانت هناك لحظات من اسعد لحظات حياتي والتي لا تتكرر كثيرا أمس رأيت شيء كنت أتمنى رؤيته منذ فترة ورايته ومعه كانت قطرات المياه تتساقط وشعرت أثنائها ببداية كل ما هو جميل وما هو سيفرح قلبي كثيرا

ووجود البرق والرعد والمطر أمس جعلني اشعر بإحساس أكد لي معاني كثيرة بداخلي وجعلني أوصلها إلى صاحبها دون أن انطق بكلمة واحدة

وبما إن أجمل واصدق الكلمات ما لا تنطق اشكر المطر الذي جعلني أوصل هذه الكلمات دون أن انطق بها

وأخيرا وليس أخرا

اشكر الله على نعمة المطر والتي يحيى بها كل شئ من حولنا

قريب جدا بعيد ......... بعيد جدا قريب

2007-10-07T14:27:00.000-07:00

في غالب الأمور يحسب القرب والبعد عن طريق طول أو قصر المسافة التي بين الأشياء , الأشخاص ....... الخ
ولكن قرب الشيء أو بعده في بعض الأحيان لا يقاس بالمسافة حيث يمكن أن يكون الشيء قريب جدا ولكنك تشعر ببعد المسافة بينك وبينه ويمكن أن يكون بعيد جدا وبينكم مسافات كبيرة ولكنك تشعر به قريب منك مثل الفرق بين ثواني الساعة .

عادة من كثرة الرغبة في الأشياء أن تكون لدينا ونتمنى أن تكون في حياتنا وإن الحياة لا تكتمل بدونها نشعر بها قريبة جدا حتى نكاد أن نلمسها بأيدينا وبعد أن تتحقق هذه الأشياء وتكون واقعا حقيقي وتكون بالفعل قريبة تجدها بعيدة جدا وتشعر بطول المسافة بينكم .

في حلمنا بالأشياء نرسمها كما نريد وبالطريقة التي نرى أنفسنا قادرين على التعامل معها بها و نكون على قدرة عالية جدا لتفهمها والحفاظ عليها .

ولكن مع تحقيق الحلم تجد أن الحقيقة مختلفة بعض الشيء عن الحلم الذي دوما تحلم به وتكتشف انك عاجز أو تواجه صعوبة في التعامل مع حلمك المحقق وذلك ما يشعرنا بالبعد عنه رغم قربه .
في مثل يقول : البعيد عن العين بعيد عن القلب .

أنا لا اتفق مع هذه المثل لأني أؤمن بان القلب قادر على رؤيةما لا يمكن للعين أن تراه

فالقلب لدية قدرة هائلة على الرؤية. لان ما يدل القلب هو الإحساس وان العين ليست إلا مرآة نرى بها ولكن لا يمكن أن تشعر بعينك واكبر دليل على ذلك إن الأم يمكن أن تعرف وتشعر بنوع جنينها قبل أن يأتي إلى الحياة حيث أنها تراه بقلبها قبل أن تراه عبنها .

ومن هنا أجد أن ما يراه القلب ويشعر به هو القريب حتى وان كان هناك مسافات وان ما لا يراه القلب هوا البعيد حتى وان كان قريب منا

ختاما

إن ما تشعر ببعده منك رغم قربه لابد وان تقربه إلى قلبك أولا أو يقربك الطرف الأخر إلى قلبه وحينها تشعر بقربه الحقيقي منك وبتلاشي المسافة بينكم لأنه من الصعب جدا انك لا تستطيع لمس ما هو حقيقي في حين انك براع جدا في حسه ولمسه وهوا خيال .

بحبكم اوي

2007-09-24T04:58:00.000-07:00

انا مش هعرف اتكلم او اقول شكرا علشان بجد شكرا مش هتوفي اي حاجة من الحاجات اللي انتم عملتوها ليا انا واحمد

ويمكن احمد قال اللي ممكن يتقال

بس انا دلوقتي مش هقول شكرا ولكن كل واحد فيكو ليه عندي مكانه جوا قلبي

هبتدي بالبنات

منى

يمكن انا ومنى ونعرفش بعض من زمان بس والله ربنا يعلم انها من الناس اللي بحب اتعامل معاهم و يمكن دا مكنش يحصل كتير بس انا بحبها

وكمان كان ليها دور كبير يوم الخطوبة بجد انا كنت مبسوطة بيها اوي وهي عمالة تظبت معايا وتقولي دي حلوة ودي كدا احلى

ربنا يكرمك يا منى وبجد يفرح قلبك زي مفرحتيني

شيرين الكبيرة

شيرين بقه ليها مكانه خاصة جدا جدا يمكن هي اول مرة هتسمع الكلام دا بس شيرين من غير متعامل معاها اصلا انا بحبها لله والله معرفش ليه ولما اتعملت معاها وعرفتها اتاكد انها تستاهل الحب دا وانها انسانة رائعة واجمل حاجة فيها انا من جوا ابيض اوي

وكمان كانت مظبطاني يوم الخطوبة وكانت بتخفف عني التوتر اللي كنت فيه

وبجد هي نعمة الاخت والصديقة وبجد انا بحبك اوي يا شيرين

مروة

مروتي حبيبتي

مروة بقه هي اختي وحبيبيتي وعشرة المكتب وال HR

وبجد هي فعلا صديقة جميلة اوي ومخلصة جدا و احلى حاجة فيها انها طيبة وجميلة اوي من جوا

ربنا يخليكي ليا يا مروتي ويديم المعروف بنا ونفضل طول الوقت اصدقاء

سلمي

سلمس يعني اطيب قلب واجمل مشاعر من القلب انا مكنتش اعرف سلمى اوي وكل اللي بنا كان مجرد سلام بس مع الايام بقينا اكثر من الاخوات وبجد سلمى من الشخصيات اللي بجد بتحب من قلبها اوي وممكن تحس دا بسهولة جدا من اقل حاجة ممكن تعملها

وكمان عملت الواجب وزيادة يوم الخطوبة وكانت من اصحاب الفضل في اني اكون مبسوطة اوي اليوم دا

رباب

رباب المفروض انها مدرتي بس والله عمري ماحسيت دا ابدا دايما احس انها اختي الكبيرة

ومناسش ابدا الفرحة اللي شفتها في عينيها يوم ما قولتلها اني هتخطب وكام السعادة اللي كانت فيها لما عرفت ان العريس احمد رفعت

اد ايه كان احساسها جميل واد ايه كانت مبسوطة وفرحتها دي فرحتني اكتر

رباب انت فعلا نعمة الاخت وبجد بشكرك على نصيك ليا وعلى احساسك الجميل

هواري

انت بقه ليك قصة معايا

اولا انا مكنتش اعرفك خالص مجرد شكلا بي

وكتير كنت بسال الناس هوا مين دا

بس من بعد رحلة دريم بارك انا عرفت مين دا

هواري هوا انسان رائع وجميل جدا وانا بجد بعزك موت واكيد انت عارف دا ومش محتاج اقولك عليه ياما كان بيسمعني لما اضيق واحب اتكلم وكتير كان بحس اني زعلانة او متضايقة من غير متكلم اصلا

هوا انسان بعرف يحس بالناس وقليل اوي اللي كدة اليومين دول

مش هقولك شكرا بس هقول الحمد لله انه في هواري وانه موجود في حياة احمد ودالي

وبجد من غيلره في الخطوبة كانت حاجات كتير اوي محصلتش ا

مصعب

مصعيبو على راي الكبيرة

مصعب انا مش هقول عليه غير انه اخويا الصغير اللي كان نفسي يكون موجود طول عمري نفسي في اخ صغير وبد لما عرقت مصعب برضو من رحلة دريم بارك حسيت من اول مرة انه هوا الاخ الصغير اللي بيعز اخته اوي ونفسه يعمل اي حاجة علشانها

وبجد انا مبسوطة بيه اوي وكام كان دوره جميل اوي يوم الخطوبة زكفايه انه كان السبب انه يخللي احمد دايما مبسوط وبيضحك

عادل

عادل صديق وزميل العمل والمكتب في المكتب وبجد هوا انسان صبور اوي وصبور عليا انا اوي اوي ياما كان بيستحملني وانا مضيقة ومخنوئة وللاسف كانت دايما بتيجي فيه هوا

ربنا يكرمك يا عادل واكيد انت عارف انك اكتر من اخ ليا

احمد ماهر

احد انا يمكن معرفكش غير من اسابيع بس والله ربنا يعلم انك من الناس اللي برتحلها جدا من اول تعامل بنا ومنساش انك كنت مظبتلنا المكن في اليخت فاهمني طبعا ربنا يكرمك وتتجوز بقه وتعزمنا طبعا علشان نردلك اللي عملتو

رامي

الاستاذ رامي باشا صاحب الافكار الجامدة

تورتة الفول بجد كانت جميلة اوي وبسطنا بيها جدا ربنا يكرمك

ومسك الختام

احمد رفعت

اكيد اكيد انا مش هعر اقول حاجة هنا واكيد انت عارف

بس ممكن اقولك حاجة واحدة بس

عارف انت اجمل حاجة تفرح الواحد هي ايه انه اللي ياما حلمت به تلاقيه حبيبك

ربنا يخليك ليا ويقدرني ان اسعدك واحافظ عليك علشان انت هدية جميلة اوي من ربنا

وبجد الحمد الله انك معايا

انا مش هعرف اقول اكتر من كده بس اكيد في كلام كتير اوي ممكن يتقال

اخيرة انا بحمد ربنا انه انا عندي ومعايا ناس انا بحبها وهما كمان بيحبوني

ومش هقول شكرا بس هقول بحبكم اوي

يا دبلة الخطوبة

2007-09-22T17:48:00.000-07:00

أنا هتكلم على أجمل يوم وأروع أحساس ممكن أي حد راجل أو امرأة يحس به
يوم الخطوبة .....
أنا بجد مش عرفة أبدا منين بس كل اللي اقدر إني أقوله إني بجد مفرحتش قبل كده زى ما أنا فرحت في هذا اليوم يا رب كل الناس تفرح فرحتي
بجد مش قدرة أوصف الإحساس اللي حسيته واللي بحس به
جميل أوي انك تلاقي إنسان يشركك كل حياتك
جميل انك تحس انك مش لوحدك انك من كتر فرحتك أنت مش مصدق
انك تلاقي في عيون الناس فرحة عمرك ماشفتها
انك تلاقي الكل من حولك بيعملوا كل حاجة علشان بس تكون مبسوط
انك تحس إن الناس بتشاركك فرحتك بجد
إحساس رائع وأي كلام مش هيوصف الإحساس دا
كل دا أنا شفته وحسيته ويوم خطبتي
أنا مكنتش قدرة استوعب وكنت حسة انه حلم بس طلع بجد وحقيقة
بجد كان يوم من ألف ليلة وليلة
كل الناس اللي بحبها موجودين ويشاركوني فرحتي
أنا في اليوم دا كنت طايرة في السما
مكنتش حاسة اني على الأرض بجد مش عارفة أوصف إحساسي
كل اللي اقدر أقوله إني
أخيرا لاقيت حبيبي
أنا عرفة أن كلامي ملغبط بس بجد مش عارفة أرتبه
ونفسي اشكر كل الناس اللي كانت معنا واللي عملوا كل حاجة حلوة لينا
مصعب – هواري – شيرين –مروة – منى – سلمى – رباب – عادل – احمد

وشكر خاص جدا جدا جدا لأجمل ناس(مصعب – هواري – شيرين-منى) بجد عملوا حاجات جميلة أوي أوي

وأولا وأخيرا بشكر ربنا على أجمل هدية ( أحمد رفعت )

اعذروني بجد أنا مش عرفة اكتب
يارب يفرح قلب الناس كلها زى ما أنا فرحت
وكل الناس تعيش وتحس اليوم دا
ادعولي أنا واحمد كتير كتير

اعزائي المدونين جائنا البيان التالي

2007-09-22T02:34:00.000-07:00

تم امس خطبة الانسة داليا فؤاد اللي هوا انا على اجمل واعظم انسان في الدنيا

احمد رفعت

وبجد عقبال كل الناس

تفاصيل البيان قريبا بالتفصيل

وشكرا

مغلق للتجديد

2007-09-18T23:33:00.000-07:00

انتظروا الافتتاح قريبا

مش عارف ليه بتونس بيكي وكأنك من دمي

2007-09-16T02:18:00.000-07:00

جميل انك تتونس بحد غريب عنك وتحس انه من دمك

جميل انك تحس انه في حد مش منك بس متحسش انك أنت إلا لما تكون معاه

حد يكون زيك رغم انه طول الوقت كان بعيد عنك

حد تتطمن بوجوده حتى لو هوا نفسه مش موجود

حد يسرب لقلبك الأمان لمجرد انك تحس انه بيفكر فيك

حد تحس انك على رحتك معاه مش محتاج تتكلم علشان يفهم

مش محتاج تبرر علشان ميزعلش

مش محتاج من الدنيا حاجة غير انه يكون موجود

كثير من الناس تغير الحياة لمجرد وجودهم فيها

رمضان كريم

2007-09-13T00:58:00.001-07:00

كل سنة وانتم طيبين ورمضان كريم ويا رب كل واحد ليه دعوة تحقق في رمضان

ويكون رمضان فتحت خير على الكل

وميعديش رمضان الا وكلنا نكون مغفور لينا ان شاء الله

اللهم اعيني على شكرك وحسن عبادتك

اللهم اغفر لي ولوالدي والمسلمين اجمعين

اللهم بلغنا ليلة القدر

ورمضااااااااااااااااااااان كريييييييييييييييييييييييييييم

كله ضرب ضرب مفيش شتيمة

2007-08-25T23:46:00.000-07:00

طبعا كلنا عرفين الجملة دي وكلنا بنقولها لما يكون فيه حاجة زيادة عن حدها بتحصل ونكون نفسنا تخف شوية

بس انا لما ركزت في الجملة لاقيت انها مش صحيحة علشان الضرب كتير اوي بيكون اهون من الشتيمة

الضرب بيكون تاثيره على الجسد اما الشتيمة بتاثر اوي في الروح

يعني الواحد مننا ممكن يستحمل الضرب بس ميستحملش الشتيمة

الضرب شوية وجع وبيروح اما الشتيمة وجعها مش بيروح خصوصا لما بتكون مغروسة في الروح

وعموما انا بس حبيت اوصل فكرة جت على بالي

وبدل منقول كله ضرب ضرب مفيش شتيمة ممكن نقول كله ضرب ضرب مفيش رحمة :)

حبيبي امس واليوم وغدا

2007-08-25T10:28:00.000-07:00

الى حبيب,,,

كم اشتقت اليك في الايام الماضية وكما تمنيت وجودك بجانبي ولكني اعرف ان غيابك ليس بايرادتك وانما لم ياذن الله بعد بلقائنا

ولكن خلال الايام الماضية حدثت اشياء كم تمنيت ان تعيشها معي مع اني اعلم انك تشعر بي كما اشعر انا بك ولكني كنت في اشد الحاجة اليك

اليوم كان يوما عصيبا علي وكنت في حاجة اليم كي استند عليك والقي بهمومي واحزاني اليك وانت دوما ما تخفف عني وتشعرني بالحنان

كم كنت في حاجة الى ان تضمني اليك حتى اشعر بالامان الذي دوما افتقده في غيابك عني

كم كان صعبا علي تحمل الاحداث وحدي ولكني على يقين انك لو كنت هنا لن تسمح بذلك ابد وكنت تحملته عني .

كم كنت مشتاقة لى النظر في عينك التي تجعلني اشعر بالراحة والطمانينة انك هنا بجانبي وكنت في حاجة الى يديك لكي تلمس قلبي حتى يهدء كالطفل الباكي في احضان امه

حبيبي انني فعلا مشتاقة اليك وادعو الله ان نلتقي حتى اتمكن من مواجهة الدنيا بك وتحمل صعابها بقوتك والتمتع بجمالها من خلالك.

حبيبي اني اتلهف اليك شوقا ولو عرفت كم انا مشتاقة اليك لن تبعد عني مسافة الفرق بين دقات القلب

ولكني ليس لدي سوى انتظارك والاشتياق اليك الذي يصبرني على بعادك وان ادعوا الله ان يجمعنا في الخير ويعوض

حنيني اليك بقربك مني

واخيرا تقبل مني حب الدنيا كله لك

لا عنوان

2007-08-25T10:16:00.000-07:00

أنا مش عارفة أحط عنوان للبوست دا علشان هوا باختصار مش بوست هوا اعتذار لشخص ما هوا عارف نفسه

........... الى

أحب إني اعتذر لك واعتذر عن المضايقة والإزعاج اللي على طول اسببه لك في حين انك تحول دائما التخفيف عني ورسم الابتسامة علي وجهي ودائما ما تساندني وقت اللزوم

بس والله أنا لم اقصد أبدا المضايقة وأتمنى انك تفهمني كما تفعل دائما وتأكد انه لم ولن يحدث ما يجعلني اغضب منك وان حدث سوف تكون أنت أول من اشتكي إليه

إلى اعز الأصدقاء ويمكن تكون دي أول مرة أقولها

أقدم لك اعتذاري الشديد عما بدر مني وأرجو منك السماح وأيضا أشكرك على ما تفعله لي في وجودي وغيابي

ولك من كل الاحترام والتقدير لأنك تستحق ذلك عن جدارة

مع اعتذاري

الى اعز الاصدقاء

2007-07-08T23:57:00.000-07:00

اولا احب اني بجد اشكر كل من هوا صديقي الموجود منهم وايللي مش موجود بس في البوست دا انا بكتب لصديق معين وبجد بشكروا على كل حاجه عملها معايا

شايل معايا كل اسراري وكل احزاني وافراحي

استحملني كتير وشاف مني اكتر ياما زعلتوا وياما اتسببتلوا في جرح وبرضو هوا معايا ومستحملني

بجد انا اسفه ليك اوي علشان كل لحظة ضيئتك فيها وعلشان كل وقت اتسببت في جرح ليك وبجد هحاول اني اعمل اي حاجه علشان اسعدك بيها

وانا عارفة اني ياما تعبتك معايا بس اوعدك اني هحاول اريحك

اكيد الكل هيسال مين الصديق دا هوا ببساطة "قلبي

وعلشان هوا قريب مني اوي انا بعتذر له وبعتذر بالنيابة عن كل حد اتسبب له في جرح وبقوله معلش سامحهم علشان هما في يوم كانوا حبيبك وبشكر بالنيابة عنه كل من تسبب في سعادته وفرحته

وبقول لكل واحد ليه نفس الصديق دا يخلي بالوا منه اوي .

أنا آسفة

2007-06-19T02:42:00.001-07:00

انا بجد خجلانة مني اوي عشان في الفترة الأخيرة ماكنتش مظبطة يعني على طول مضيقة وكمان كنت عصبية أوي ودا أكيد زعل ناس كتير مني بس والله أنا مش بقصد ازعل حد عشان أنا مش بحب أكون سبب في مضيقت حد و عشان أنا مقتنعة جدا إن اللي بيغلط لازم يعتذر فبجد أنا بعتذر إلى كل إنسان زعلته
إلى كل إنسان أتعصبت عليه
إلى كل إنسان تنشنت عليه
وبجد بجد بجد أنا أسفه إلى اقرب إنسان لي
ومني ليكم اكبر واحلي وردة لعلها تسمح أي حاجه وحشة حصلت مني

إلى شخص لم أقابله بعد

2007-06-13T03:08:00.000-07:00

ياما أيام بتيجي وتروح وبقعد وحيدة مضايقة ومحبطة ومتخلية ان حياتي مش هتهدى وبحس إني محتاجة حد واحد معين غير الناس كلها غير الأصحاب يحس بيا من غير متكلم أحس باهتمامه من غير مطلب حد يكلمني يشاركني أحلامي وحياتي وكل حاجة عايزة اعملها لحظات المرح , لحظات الإيمان , حد اضحك معاه وأنا فرحانة يمسح دموعي وأنا زعلانة
إلى الشخص الذي لم أقابله بعد .....
أنا في انتظارك وأتمنى انك تبقى موجود فعلا علشان أنا بواجه صعوبة في التعامل مع الحياة محتاجة انك تيجي تساعدني إني أتحمل مشقاتها واستمتع بحلاوتها
تعالى بس توعدني انك تبقى معايا مش مع الحياة ضدي
تيجي وتجبلي معاك حبك حنانك واهتمامك
تيجي بس ماتبقاش قاسي ولا ديكتاتور ولا أناني
تيجي تشاركني حياتي مش تاخدها مني
تيجي تؤنس وحدتي مش تزودها
تيجي تشاركني فرحتي وتزودها
تيجي تمسح دمعتي
تيجي تشاركني صلاتي ولحظات تقوتي
وأخيرا ..... تيجي تعني على دنيتي وكمان اخرتي
بس لو مش هتعمل كل دا أرجوك خليك بعيد وأنا هدعي ربي يعيني على دنيتي

وأنا على شط البحر

2007-06-07T17:08:00.000-07:00

أجمل حاجة انك تحس انك أنت مالك دنيتك بمعنى انك أنت المتحكم الوحيد فيها محدش له دخل ولا تصرف فيها انك تحس انك حر منطلق مفيش حاجة بتخليك متقيد تحس انك في عالم تاني ملكك انت وبس وانا قدام البحر بحس بكل ده اه فعلا أنا قدام البحر بحس إني بملك الدنيا واني البحر دا هوا حياتي بكل وسعه و طوله ايللي ملوش نهاية وبحس اني حرة من غير قيود بنطلق معاه بطوله وعرضه وامواجه توديني وتجبني زي المرجيحة ايللي بتعد عليها عشان تستريح من طريق طويل كنت ماشي فيه وأخيرا لاقيت حاجة تستريح عليها.
البحر دا اجمل حاجة في الدنيا وانا معاه بقول كل ايللي أنا عايزاه بشكيلو همي وأشركه في فرحتي وبحس ان الموجه ايللي جاية بتاخد كل همومي وتوديها بعيد أوي
كتير كنت بتكلم مع البحر وقوله على ايللي مش بقدر أقوله لحد وكتير كانت بتوه دموعي وسط ميته
وكتير كانت ضحكتي بترن مع صوت الموجه
ساعات بحس إن البحر عامل زي الصديق ساعات بيكون وفي أوي معاك و ساعات بيكون غدار
بجد اسعد لحظات حياتي وان على شط البحر وبجد نفسي أوي أعيش في البحر مش جوا البحر يعني وإنما كتير بقول يا سلام لو الواحد عنده مركب يخدها ويعيش وسط البحر بعيد عن الناس والزحمة والدهان ايللي مبهدلنا بس برجع اخاف من غدره.
ويا سلام بقه على صوت الموجه وهي رايحة جاية والقمر بدر أد إيه بحس براحة لما بشوف البراح وانك مافيش حاجة واقفة قدامك سدا عليك الدنيا .
ياااااااااة أد أيه البحر دا احمل حاجة في الدنيا أنا بجد بحب البحر أوي البحر دا بيفكرني بحد عزيز على قلبي أوي عامل زي البحر لما بيكون هادي بيكون إنسان جميل أوي وممكن قي لحظة يثور ويتقلب بس في نفس الوقت الاختلاف الوحيد بنهم انو لما بيتقلب ويثور بيكون احن من البحر .
مش عرفة أقول أد إيه بكون سعيدة وأنا على البحر بس كل الممكن أقوله شكرا ليك يا بحر عشان بتسمعني وعشان موجتك بتخدني لأبعد مكان في الدنيا وعشان أنت أجمل حاجة في الدنيا وأخيرا عشان أنت بتفكر ني بحد عزيز عليا أوي

انا زهقان النهاردة

2007-06-05T02:50:00.000-07:00

مش عارفة النهاردة زهقانة اوي من ايه مش عارفة يمكن عشان الايام كلها زي بعض ومفيش جديد هوا هوا ايللي بيحصل كل يوم الحاجة هيه الحاجة والناس هما الناس

والواضح ان الموضوع دا عند الناس كلها مش انا بس

بس انا معرفش حبيت اعبر عن ايللي جوايا قلت اكتب اني زهقانة ولو حد عنده اي اقتراح يقولوا ونبي عشان انا بجد زهقانه اوي

وبس كده

خليك مؤمن وثق بالآخرين وأوعى تفقد الأمل

2007-05-29T00:24:00.001-07:00

لمل أهل القرية يقرروا إنهم يصلوا علشان المطر ينزل ويوم الصلاة الناس كلها تتجمع ويجي ولد ومعاة شمسية يبقى ده الإيمان

ولما تلاعب طفل عمره سنة وتحدفه لفوق ويضحك علشان عارف انك هتمسكه بأيدك يبقى دي الثقة

ولما ننام كل يوم وإحنا مش عارفين إذا كنا هنصحى تاني ولا لا بس برضوا بنخطط لبكرة يبقى هوا دا الأمل

دايما خليك مؤمن وثق بالآخرين وأوعى تفقد الأمل

لو في يوم

2007-05-27T04:33:00.000-07:00

لو في يوم حسيت انك عايز تبكي كلمني أوعدك مش هخليك تضحك بس ممكن ابكي معاك

ولو في يوم حبيت انك تهرب بعيد برضو كلمني مش هقولك خليك هنا بس ممكن اهرب معاك

ولو جيه يوم حسيت فيه انك مش عايز تسمع حد قولي أكيد هكون جانبك وأوعدك ني هكون ساكت

بس لو في يوم كلمتني وملقتش رد تعالى بسرعة يمكن أكون محتاجلك

بعض مما علمتني الحياة

2007-05-24T06:32:00.001-07:00

فكرت كتير في الكام سنة ايللي عشتها اي نعم هما مش كتير بس لائتني اتعلمت فيهم حاجات كتير يمكن منه حاجات عن تجارب شخصية وحاجات تانية من تجارب ناس تانية وحبيت اني اكتبها يمكن تنفع الناس وتعلمهم حاجة

اولا اتعلمت اني وانا في المدرسة بتعلم الدرس بعد كدة الامتحان بس في الحياة بدخل الامتحان بعد كده بتعلم الدرس

واتعلمت ان احسن حاجة للانسان انه يكون كالسلحفاة في الطريق الصحيح من انه يكون كالغزال في الطريق الخطأ

وان الابتسامة مش بتكلف حاجة بس بتعني كتير اوي

اتعلمت انه اذا قضيت وقت ممتع في رياضة بحبها فانا الفايز حتى لو خسرت النتيجة (ونقيس عليها اي حاجة في حياتنا (

اتعلمت انه من لا يعمل لا يخطأ وبالتالي لا يتعلم

واتعلمت انه الامس شيك تم سحبه وان الغد شيك مؤجا اما الحاضر هو السيولة الوحيدة المتوفرة لذا فانه لازم نصرفه بحكمة

واولا واخيرا اتعلمت اني احمد الله على كل شيئ وكل حال

7aba Fun

2007-05-16T04:39:00.000-07:00

How to make a woman happy ?
To make a woman happy..... a man only needs to be: 1. a friend 2. a companion 3. a lover 4. a brother 5. a father 6. a master 7. a chef 8. an electrician 9. a carpenter 10. a plumber 11. a mechanic 12. a decorator 13. a stylist 14. a sexologist 15. a gynaecologist 16. a psychologist 17. a pest exterminator 18. a psychiatrist 19. a healer 20. a good listener 21. an organiser 22. a good father 23. very clean 24. sympathetic 25. athletic 26. warm 27. attentive 28. gallant 29. intelligent 30. funny 31. creative 32. tender 33. strong 34. understanding 35. tolerant 36. prudent 37. ambitious 38. capable 39. courageous 40. determined 41. true 42. dependable 43. passionate WITHOUT FORGETTING TO: 44. give her compliments regularly 45. love shopping 46. be honest 47. be very rich 48. not stress her out 49. not height=19 width=19>IT IS VERY IMPORTANT 50. Never to forget: * birthdays * anniversaries * arrangements she makes

....NOW..... HOW TO MAKE A MAN HAPPY ????
1.Just Leave him to sleep

ملحوظة

انا عرفة ان البوست دا مش المفروض احطه عشام ماشمتش الاعادي فينا بس هوا عجبني وضحكني اوي قلت اضحكم معايا ويارب يعجبكم

Someone To Care

2007-05-16T04:11:00.000-07:00

When days come and go and I am sitting there all alone feeling angry, depressed and rejected wondering my life can never be corrected needing someone to call me very own ,who's care is shown clearly ,some one to site and talk to, who will understand my dreams my wishes and the things I would like to plan ,some one to laugh and have fun with ,who wipe away my tears ,some one to help me enjoy life just a little bit, life doesn’t have it's way of dealing leaving you confused unhappy and wondering which way to go leaving you to face everything all alone and I am scared to do this alone so there must be you to care about me. When days come and go and I am sitting there all alone feeling angry, depressed and rejected wondering my life can never be corrected needing someone to call me very own ,who's care is shown clearly ,some one to site and talk to, who will understand my dreams my wishes and the things I would like to plan ,some one to laugh and have fun with ,who wipe away my tears ,some one to help me enjoy life just a little bit, life doesn’t have it's way of dealing leaving you confused unhappy and wondering which way to go leaving you to face everything all alone and I am scared to do this alone so there must be you to care about me.

A story of four candles

2007-05-15T04:38:00.000-07:00

Once upon a time there was four candles lighten in a very cold dark night, the first candle said to the others am the peace and I think there is no one care about me there is war every where no one search for me, no one try to made me live long time, so there is no way to be here and am useless, then a cold breath came and be extinguished.

The second candle said I am the love that's no one feel me now a days I can't be there in the heart where I should be. There is no place for me in this world, the world in which hate is only thing people can do and suddenly it also goes out of light.

The third candle was the honest it said that no one care to be honest to the others only lies nothing but lies, so there is no place for it. It cant be here beside all this lies coz it will surly win the game then other breath came and take its light away.

After the three candles got out of light a little boy came, when he saw the candles goes out of light he started to cry but the fourth candle said to him don’t cry am still here am the hope you can light the other candles by me am the only way to bring the light back to the others, then the boy take the hope (candle) and light the peace, love and honest.

Finally by hope we can do everything that we think it will never be happen.

ابق رجلا في خيالي

2007-05-15T03:53:00.000-07:00

انتظارك يحرك سحابات قلبي الساكنة وأصبح أكثر قدرة على تحمل تفاهات البشر.... ظهرت لي وعشت أيامي الماضية مع هذا القلق الذي اسمه انتظارك . أنا انتظرك إذن أنا أحيا يمكن بعد أيام أو شهور أو سنين ألقاك وإذا جاء هذا الوقت سوف تتبدد ملامح الضباب الطويل وتأخذني عينيك إلى بحر لا النجاة من الغرق فيه ورغم البعاد كنت التقيك في خيالي على ضوء القمر المتردد ورغم أن كل شئ كان يؤكد انك تشبه الحلم الذي يصعب تحقيقه فكنت تداعب خيالي كما يداعب النسيم الزهور كنت دائما استعد لأول لقاء بيننا ومع إنني أتشوق إلى هذا اللقاء إلا إنني خائفة فلا تلومني علي خوفي وترددي لقد تعودت عليك وأنت الحلم البعيد الذي يمنحني اللهفة لا اعرف كيف يكون الحال وأنت حقيقة هجرت سماء الخيال ففي خيالي اعرف كيف أتعامل معك فمن يضمن لي إنني في وجودك لن أتعثر .
وأنت بعيد ألهمتني أجمل ما يمكن أن يكتبه القلم وأحلى ما يهمس به القلب أفرحت قلبي الذي كان محصن ضد الفرح كل هذا وأنت بعيد فلا تلومني حين تقترب فهل ستكون هكذا....؟ اشعر بالخوف حين أحس أن موعد لقاؤنا سيأتي يوما, لا استطيع أن أخاطر ليتني أفضل البعاد حرصا على فرحتي بك وأفضل انتظارك خوفا على أشواقي إليك أفضل إلا يكون هناك لقاء أفضل الانسحاب وأعود إلى انتظارك الذي لا يقدر علية إلا محب اخلص في حبه إلى حد الجنون.
ولكن أفكر في إن لقائنا يمكن أن يكون سبب في سعادتي ويمكن أن يمكنني من تحقيق الحلم الذي انتظر تحقيقه ولكن لا اعلم ولا اعرف كيف أتصرف هل من الأفضل أن تبقى رجلا في خيالي أم أحاول آن أجعلك واقعا أعيشه وأتمتع به فهل من إجابة والى أن أجدها سوف أظل إلى الأبد .................... انتظرك.