ياما أيام بتيجي وتروح وبقعد وحيدة مضايقة ومحبطة ومتخلية ان حياتي مش هتهدى وبحس إني محتاجة حد واحد معين غير الناس كلها غير الأصحاب يحس بيا من غير متكلم أحس باهتمامه من غير مطلب حد يكلمني يشاركني أحلامي وحياتي وكل حاجة عايزة اعملها لحظات المرح , لحظات الإيمان , حد اضحك معاه وأنا فرحانة يمسح دموعي وأنا زعلانة
إلى الشخص الذي لم أقابله بعد .....
أنا في انتظارك وأتمنى انك تبقى موجود فعلا علشان أنا بواجه صعوبة في التعامل مع الحياة محتاجة انك تيجي تساعدني إني أتحمل مشقاتها واستمتع بحلاوتها
تعالى بس توعدني انك تبقى معايا مش مع الحياة ضدي
تيجي وتجبلي معاك حبك حنانك واهتمامك
تيجي بس ماتبقاش قاسي ولا ديكتاتور ولا أناني
تيجي تشاركني حياتي مش تاخدها مني
تيجي تؤنس وحدتي مش تزودها
تيجي تشاركني فرحتي وتزودها
تيجي تمسح دمعتي
تيجي تشاركني صلاتي ولحظات تقوتي
وأخيرا ..... تيجي تعني على دنيتي وكمان اخرتي
بس لو مش هتعمل كل دا أرجوك خليك بعيد وأنا هدعي ربي يعيني على دنيتي
.jpg)
هناك ٥ تعليقات:
إلى الشخص الذي لم أقابله بعد .....تعا ولا تجى وان جئت ارجوك تعا فى اسرع وقت وان لم تجى فلا داعى لتلك الاشارات اللتى تحرك حبك فى نفسى
حسنا....احبك حتى من قبل ان اراك
هتلاقيه واقف في إشاؤة مرور من بتوع بلدنا وللا حاجة :P
ربنا يقدم لك كل اللي فيه الخير يا رب
بوست جميل
إرسال تعليق